Упрощенная HTML-версия
Кіріспе
Күн сайын өзгеріске ұшырап жатқан, білім беру жүйесіне
оқушылардың өмірі мен білімін байланыстыратын, өзін-өзі жетілдіріп,
белсенді позициясын жүзеге асыруға мүмкіндік беретін жаңа технологиялар
қажет.
Мұндай технологиялардың бірі жобалар әдісі болып табылады, білім
беру жүйесі өткен ғасырдың 30-шы жылдары оны «жеңілтек жобақұмарлық»
деп, орынсыз кінә артып еді. Білім берудің жобалар әдісінен бас тартуына
бірнеше себеп болды, солардың бірі педагогикалық кадрлардың жобалармен
жұмыс жасауға дайындығының болмауы. Бұл себеп бүгін де орын алып
жатыр деп сенімді түрде айта аламыз. Оқытудағы жобалар әдісі
педагогикалық жоғары оқу орындарының оқулықтарына енгізілмеген, ал
баспа өнімдері соңғы жылдары жобалаудағы жеке авторлардың практикалық
тәжірибесін жалпылау сипатына ие.
Педагогтарды жобалар әдісіне оқыту негізінен қосымша кәсіби білім
беруде жүзеге асырылып жатыр, сондықтан білім беру мекемесінің
қызметкеріне жобалар әдісін үйретудің арнайы жұмысы мен апробациясы
талап етеді, және осы оқу құралында жасауға тырыстық.
Ұсынылып отырған жобалар қызметінің оқыту әдістемесі жоғары және
қосымша кәсіби білім беру жүйесінде кеңінен таралған, модульдік принцип
бойынша құрылған. Оқу құралындағы әрбір оқу модулі оқушылардың өз
бетінше алатын оқу-танымдық іс-әрекеті мен оқытушының сол процесті
басқаруы болып табылады, сонымен қатар, ол:
-
Жобалар әдісі қызметінің теориясы мен практикасы туралы ақпарат;
-
Оқытудағы әрекеттің мақсатты бағдарламасы;
-
Мақсатты оқыту нәтижесіне жету бойынша әдістемелік нұсқаулық;
-
Өз бетінше білімін тексеру және қажетті түзетулердің формасы болып
табылады.
Бұл оқу құралы бойынша оқытушының негізгі функциясы
оқушылардың өз бетінше оқу-танымдық іс-әрекеттеріне жетекшілік ету және
әдістемелік жағынан қамтамасыз етуінде. Оқу құралының оқыту материалы
өзара байланысты үш деңгейде ұсынылған: теориялық-әдіснамалық,
технологиялық және практикалық.
Теориялық-әдіснамалық деңгейге (1 модуль. «Заманауи білім беру
технологиясы ретіндегі жобалау әдісі») жобалау әдісінің тұжырымдамалық
негіздерін қарастыру, жобалаудың мәні мен әдістері, типологиясы жатады.
Технологиялық деңгейде (2 модуль. «Жобаны жасау», «Жобаны
қорғау» модулі) жобаның құрылымы мен құрамдас бөліктерінің сипаттамасы
келтірілген, жобалаудың технологиясы, жобалау құжаттамасы, презентация
мен қорғауды өткізу ережесі қарастырылады.