Упрощенная HTML-версия
табылады, ал екіншісінде - игерілген білім мен іскерлікті практикалық
қолдану құралы болып табылады. Осылайша, жобалар әдісі теория мен
тәжірибе арасындағы байланыстырушы буын болып табылады.
Жобаның дидактикалық құндылығын екі аспектіде қарастыруға болады
– оқушы тұғысынан және мұғалім тұрғысынан.
Оқушы (студент, білім алушы) тұрғысындағы жоба – бұл мүмкіндік:
- топта немесе жалғыз қызықты нәрсені өз бетінше жасау;
- мақсат-міндеттерді өзі анықтай отырып, оқушының қызықты проблеманы
шешуі;
- өзінің мүмкіндіктерін максималды түрде қолдануы;
- өзін көрсету, өзінің күшін тексеру, білімін қолдану;
- пайдалы әрекетпен айналысу;
- өзінің нәтижесін көпшілік алдында көрсету т.б.
Мұғалім (оқытушы) тұғысындағы жоба – бұл оқыту және тәрбиелеу,
дамытудың интеграцияланған дидактикалық құралы, ол арнайы білім,
іскерлік және құзыреттілікті қалыптастыруға және дамытуға мүмкіндік
береді, олардың қатарында:
- проблематизация (проблемалық ситуацияны қарастыру, қарама-
қайшылықтарды анықтау, проблеманы және оның бөліктерін құрастыру,
мақсат қою, міндеттерді айқындау т.б.);
- іс-әрекеттің мақсатын анықтау және жоспарлау;
- өзін-өзі талдау және рефлексия;
- ақпаратты іздеу және сын тұғысынан саналау (фактілік материалын
іріктеу,оны интерпретациялау, жалпылау, талдау);
- зерттеу әдісін менгеру;
- білім, іскерлік және дағдысын стандартты емес ситуацияда практикалық
қолдануы т.б.
Жобалау әдісін қолданудың негізгі талаптары:
- Зерттеу және шығармашылық жағынан маңызды проблеманың болуы;
- Күтілетін нәтиженің маңыздылығы (теориялық, танымдық, практикалық);
- Жобаға қатысушылардың өз бетінше (жеке, жұпта, топта) әрекет етуі;
- Жобаның мазмұндық бөліктерін құрастыру, кезеңдік нәтижелерді көрсету;
- Зерттеу әдістерін қолдану.
1.2. Жобалау әдістері: негізгі түсініктері
ХХ ғ. басында жобалар әдісі бүкіл әлемде кеңінен таратыла бастады,
көптеген эксперименттік мектептерде жобалар әдісі бойынша да, оның
түрлері негізінде де (Дальтон-жоспар, Иена-жоспар және т. б.) оқыту өріс
алды .
«Жоба» ұғымының екі мәнін ажырату қажет:
а) жоба жобалау қызметінің нәтижесі ретінде;
б) жоба адамдардың бірлескен қызметін ұйымдастыру нысаны ретінде.