Упрощенная HTML-версия
Зерттеу жоблалары
.
Мұндай жобалардың мақсаты жаңалығы бар, теориялық және/немесе
практикалық маңыздылығы бар ғылыми білім алу болып табылады. Бұл
жобалардың бәрі зерттеу логикасына бағынады, өзінің нақты және айқын
құрылымына ие болады, оның құрылымы шынайы ғылыми зертеулерге
жақын немесе толықтай сәйкес келеді. Жобалаудың бұл типіне таңдап алған
тақырыптың өзектілігі жатады; проблеманың айқындалуы, объектісі мен
зерттеу пәнін анықтау; мақсат қою және сонымен байланысты міндеттерді
анықтау; айқындалған проблеманың шешіміне гипотеза жасау және оны
тексеру; зерттеу әдістерін сипаттау (теориялық және эмпирикалық); зерттеу
нәтижесін талдау және рәсімдеу, қорытынды шығару; жаңа зерттеушілік
проблемаларды анықтау; сырттай бағалау.
Шығармашылық жобалар.
Бұл жобалар типінің мақсаты шығармашылық өнім алу болып
табылады – газеттер, шығарма, альманах, бейнероликтер, экспедияция т.б.
шығармашылық жобалардың басты ерекшелігі оқушы мен мұғалімнің
біріккен іс-әрекеттің егжей-тегжейлі жасалған құрылымын талап етпеуінде,
ол тек соңғы нәтижеге сәйкес айқындалып, дамытылады. Дегенмен бұл
жобалар соңғы нәтиженің формасы мен құрылымын жақсылап жасауды
талап етеді: мысалы, мерекенің жақсы сценарийі, шығарма немесе мақаланың
жоспары, газет айдарының сыртқы дизайны т.б.
Рөлдік және ойын жобалары.
Бұл жобаның сипаты олардың атауымен шарттанады: жобаға
қатысушылар әдеби кейіпкерлердің, тарихи немесе ойдан шығарылған
персонаждардың рөлін ойнайды, ал жоба нәтижесі тек болжанады, ол тек
жоба соңында ғана көрініс табады. Сот отырысы немен аяқталады? Дау-
дамай шешіле ме? Келіссөздер немен аяқталады және келісім-шартқа қол
қойыла ма?
Таныстыру-ақпараттық жобалар.
Бұл жобаның мақсаты қандай да бір объект, құбылыс туралы ақпарат
жинау, оған талдау жүргізу, жалпылау және БАҚ жариялау арқылы кең
аудиторияға ұсыну, тарату болып табылады. Мұндай жобалар, зерттеушілік
жобалар сияқты жақсы жасалған құрылымның болуын талап етеді, ол:
жобаның өзектілігі мен оның мақсатының болуы; зерттеу объектісі мен
ақпаратты іздеудің пәні; ақпарат көздерінің тізімі (әдебиеттер, БАҚ
құралдары, мәліметтер базасы, зерттеудің сауалнамалық әдістері мен одан
алынған мәліметтер); ақпараттарды өңдеу (талдау, әйгілі фактілермен
салыстыру, дәлелденген қорытынды); нәтиже (мақала, реферат, баяндама,
бейнеролик немесе бейнефильм); жариялым түріндегі презентациялар; талдау
(конференциялар мен интернет желісінде); сыртқы бағалаудан тұрады.
Практикаға бағытталған (қолданбалы) жобалар.